UFC Fight Night 267. Qozog'istonlik jangchida g'alaba

Oqshomning prelim kardi doirasida qozog'istonlik aralash yakkakurash ustasi Alibi Idiris (11-1) UFC`dagi ilk g'alabasini qo'lga kiritdi. 31 yoshli Idiris yamaykalik Ode Osborn (13-10)ga qarshi oktagonga chiqdi. To'liq uch raund davom etgan jangda Alibi hakamlarning yakdil qarori bilan g'alaba qozondi. 

Alibi Idiris UFC`dagi debyut jangida mag'lubiyatga uchragan edi. U o'tgan yilning avgust oyida o'tkazilgan UFC 319 turnirida Jozef Moralesga texnik nokaut bilan imkoniyatni boy berib qo'ygandi. Ode Osborn esa promoushendagi sakkizinchi mag'lubiyatini qabul qilib oldi. Hisobida 5 ta g'alaba bor. 34 yoshli yamaykalik 2023 yilda boshqa bir qozog'istonlik Asu Almabaevga ham yutqazgandi.