22 noy 11:47
Yangiliklar

Boks/MMA

UFC jangchisi Viktoriya Dudakovaga raqib berildi

Rossiyalik jangchi qiz navbatdagi jangini AQSHning Nevada shtati Las-Vegas shahrida o'tkazadi.

Viktoriya Dudakova 11 yanvar kuni o'tkaziladigan UFC turnirida amerikalik Fatima Klaynga qarshi oktagonga chiqadi. Dudakova shu yilning avgust oyida dunyoning eng kuchli ligasidagi ilk mag'lubiyatini qabul qilib olgandi. O'shanda u hakamlarning ayri qarori bilan amerikalik Sem Xyuzga imkoniyatni boy bergan edi. Ungacha 25 yoshli rossiyalik Istela Nunesni texnik nokautga uchratgan, Jin YU Freyni ochkolar hisobiga ko'ra taslim etgandi.

Uning raqibasi 24 yoshli Fatima Klayn esa iyul oyida UFC promoushenidagi debyut jangida Jasmin Yasudavichusga ochkolar bo'yicha yutqazib qo'ygan edi. Ayni paytda ikkala jangchi ham birinchi engil vazn toifasida Top-15`talik reytingida kirmaydi.