UFC Maxachev - Topuriya jangiga rasmiy munosabat bildirdi

UFC rahbari Dana Uayt vaziyatga o'z munosabatini bildirib, bu jang yaqin orada aniq amalga oshmaslishini malum qildi. Iliya Topuriya bugun yarimengil vazndagi UFC kamarini Maks Xolloueyga qarshi jangda muvaffaqiyatli himoya qilgan taqdirda ham engil vazn chempioni Islam Maxachevga "vyzov" tashlay olmaydi. 

"Bu uning ilk chempionlik himoya jangi. Iliya Islamning vazniga ko'tarilishidan oldin o'z divizionidagilar bilan hisob-kitob qilib olishi shart. Maks Xollouey xuddi shu yo'ldan borgandi. Yani, oldin o'zini vaznidagilarni "tozalab", keyin bitta yuqori divizionga ko'tarilgandi. Undan keyin Aleks Volkanovski ham shunday qildi. Qoidasi o'zi shunday bo'ladi. Iliyaning o'ziga yarimengil vaznda "vyzov"lar ko'p", - dedi UFC rahbari. 

Avvalroq, Dana Uayt Islam Maxachevga yarimo'rta vazn chempionlik kamari uchun imkoniyat taqdim etishini aytgandi. Faqat buning uchun Maxachev to'rtinchi chempionlik himoya jangida ham g'alaba qozonishi shart. Hozircha Islam bu vazifani uch bor muvaffaqiyatli uddaladi.