29 apr 13:01
Yangiliklar

Boks/MMA

UFC reytingi yangilandi: Sterling Rodrigesni ortda qoldirdi, Edvards Top-3`da!

Las-Vegasda bo'lib o'tgan UFC Fight Night 274 turniri natijalaridan kelib chiqib tashkilot reytingi yangilandi.

Ushbu turnirda hakamlarning yakdil qarori bilan Yussef Zalalni ishonchli tarzda mag'lub etgan Aljamayn Sterling tashkilotning yarim engil vazn toifasi reytingida Yair Rodrigesni ushbu o'rindan tushirib, to'rtinchi o'ringa ko'tarildi.

Montel Jeksonni hakamlarning ayri qarori bilan mag'lub etgan Raoni Barselos eng engil vazn toifasi UFC reytingiga kirib, unda o'n to'rtinchi o'rinni egalladi. Uning raqibi esa divizionning eng yaxshi Top-15 jangchilari ro'yxatini tark etdi.

Tadbirning ikkinchi muhim jangida biroz kutilmaganda Norma Dyumontni mag'lub etgan Joselin Edvards ayollar o'rtasidagi engil vazn toifasida birdaniga sakkiz pog'onaga ko'tarilib, kuchli uchlikka kirib oldi. Uning raqibi esa to'rtinchi o'ringa tushib ketdi.