UFCdagi yangi jangchimiz Saidyoqub Qaxramonovning raqibi jangdan oldin nimalar dedi?

Caidyoqubning bo'lajak raqibi Trevin Jons yaqinlashib kelayotgan jang va hamyurtimiz haqida gapirib o'tdi.

"Bu juda qiyin bo'ldi. Men jang qilishim lozim edi. Oxirgi soniyalarda raqiblar almashib ketdi. Mening maqsadim jang qilish, UFC tarkibidaman deb ko'ngilxushliklar qilib yurish emas. Men divizionning eng kuchli jangchisi bilan kurashishga ham tayyorman. 

Oldingi raqibim jangdan olingandan so'ng, menga oltita jangchining nomini aytishdi. Oxiri, ushbu raqib bilan (Saidyoqub Qaxramonov) kelishuvga erishildi, qolgan jangchilar esa taklifni rad etishdi.

Mening jamoam juda ajoyib. Bizda istalgan raqibni engish uchun etarli imkoniyatlar bor. Yangi raqibga qarshi ham etiborni bir joyga jamlagan holda jang qilaman. Oilam va yaqinlarim bilan anchadan beri shu erdamiz. Bor etibor shu jangimga qaratilgan. Ishonamanki, g'alaba qozonamiz. 

Yangi raqibim (Saidyoqub Qaxramonov) haqida juda ko'p qiziqganim ham yo'q. Yigitlar, menga jang kerak dedim. Albatta, jamoamdagilar u haqida o'rganim chiqishdi va bo'lajak taktikamga bir qancha o'zgartirishlar kiritildi. Endi oktagonga chiqish va natija ko'rsatish qoldi.

G'alaba qozonish yoki tomoshabop jang? G'alaba qozonish har doim yoqimli. Men 6 ta mag'lub bo'lgan janglarimning 5 tasida hakamlarning bo'lingan qarori (split decision) evaziga mag'lub bo'lganman. O'sha janglarda men aynan o'zimni yaxshi tomondan ko'rsatish uchun harakat qilganman. SHaxsan o'zim o'sha beshta jangni mag'lubiyat sifatida ko'rmayman. Men bor-yo'g'i bir marta mag'lub bo'lganman", -deydi Trevin Jons.

Eslatib o'tamiz, Trevin Jons va Saidyoqub Qaxramonov o'rtasidagi jang 23 avgust kuni erta tongda o'tkaziladi.