Uimbldon. Amaldagi chempion 4,5 soatlik uchrashuv o'tkazdi

ATP reytingida 138-o'rinni egallab turgan italiyalik Fabio Fonini birinchi davrada ispaniyalik tennischiga jiddiy qarshilik ko'rsatdi. Alkaras 4 soatu 27 daqiqa davom etgan uchrashuvda 7/5, 6/7(5), 7/5, 2/6, 6/1 hisobida g'alaba qozondi. Tennischilarning o'zaro uchrashuvlaridagi hisob yiriklashdi - 3:0. 

Alkaras 14, Fonini 1 ta eys zarbasini amalga oshirgan. Ikkala tennischi ham xuddi kelishib olgandek bir xilda - 9 tadan qo'shxatoga yo'l qo'ydi. Karlos faoliyatida 5 set davom etgan 15 ta uchrashuvining 14 tasida zafar quchgan. Yagona mag'lubiyatini Australian Open-2022 turnirida italiyalik Matteo Berrettinidan qabul qilib olgan. Endi u ikkinchi bosqichda britaniyalik Oliver Tarvetga qarshi kortga chiqadi.