Uimbldon. Elina Svitolina uchinchi davrada

Dunyoning 13-raketkasi Elina Svitolina uchinchi davra ishtirokchisiga aylandi. Ukrainalik tennis malikasi ikkinchi bosqichda WTA reytingida 107-pog'onani band etgan belaruslik Aleksandra Sosnovichdan ortiqcha qiyinchiliksiz ustun keldi - 6/2, 6/4. Tennischilarning o'zaro uchrashuvlaridagi hisob muvozanati yana tiklandi - 2:2. 

Etmish etti daqiqa davom etgan bahsda Svitolina 1, Sosnovich 3 ta eys zarbasini amalga oshirgan. Ikkala tennischi ham etarlicha qo'shxatoga yo'l qo'yishdi - 6 ga 5, Aleksandra "foydasi"ga. Breyklar bo'yicha ustunlik esa tabiiyki, g'olib tennischi tomonida bo'ldi - 7 ga 4. Endi Elina uchinchi davrada belgiyalik Elize Mertensga qarshi kortga chiqadi.