Umar Nurmagomedov jangi bekor bo'lganini malum qildi

Bu haqda rossiyalik aralash yakkakurash ustasining o'zi xabar berdi. Umar 14 dekabr kuni AQSHning Tampa shahrida tashkil etiladigan UFC on ESPN 63 turniri doirasida xitoylik Song Yadongga qarshi oktagonga chiqishi kerak edi. 

Jangi bekor bo'lganini bilgan Nurmagomedov ijtimoiy tarmoqdagi sahifsida divizionning amaldagi chempioni Merab Dvalishviliga murojaat qildi. Avvalroq, Umar gruziyalik Merabni jangdan qochishda ayblagandi.   

"Men jangga tayyorman. Hozir yangi raqib berishlarini kutyapman. Yadong jarohat olib, dekabr oyidagi jangimizda oktagonga chiqa olmasligini aytishdi. Merab, Sendxagen bilan jangim oldidan sen "g'alaba qozonganing taqdiringda chempionlik jangiga loyiq bo'lasan" deb aytganding. Endi esa sen o'z poziciyangni o'zgartirding. Mutaxassislar ham, muxlislar ham seni mendan qochayotganingni aytyapti. CHempionlik – bu tan olish, sen esa uni qo'lga kiritmading. Buni o'zing ham juda yaxshi bilasan. Men hech kimni kutmayman. Ramazongacha jang o'tkazishim kerak. Umid qilaman, UFC menga raqib topib beradi. CHempionlik kamari – bu vaqt savoli", - dedi Nurmagomedov.