Umidjon Jalolov jahon chempionatidagi ishtirokini erta yakunladi, 38 yoshli Magomed Ibragimovda ham mag'lubiyat, ammo unda imkoniyat saqlanib qoldi

Bugungi kun doirasida O'zbekiston terma jamoasining 6 nafar azosi gilamga chiqdi. Afsuski, vakillarimizning deyarli barchasi mag'lubiyatga uchrab, jahon chempionatini juda erta yakunlashdi.

Dastlab, o'tish bosqichiga yo'l olgan ikki vakilimiz — Bekzod Abdurahmonov (-74 kg) va G'ulomjon Abdullaev (-57 kg) raqiblariga imkoniyatni boy berib qo'yishdi.

-65 kg vazn toifasida bahslarda ishtirok etgan Umidjon Jalolov esa 1/16 final doirasida bolgariyalik Mikyay Naimdan ustun keldi. Nimchorak final bosqichida esa sportchimiz amerikalik Nik Li oldida ojiz qoldi. Nik keyingi bellashuvida yutqazgani uchun Jalolovning oxirgi umidi ham so'ndi. 

Ayollar kurashi bo'yicha start olgan bellashuvlarda terma jamoamiz azolaridan o'smirlar olimpiadasining kumush medali sovrindori SHohida Ahmedova 1/8 finalda germaniyalik Anastasiya Blayvasga yutqazib qo'ydi.      

Tajribali kurashchimiz, 38 yoshli Magomed Ibragimov (-97 kg) esa ilk bosqichdayoq Bahrayn vakili Axmed Tajudinovga imkoniyatni boy berib qo'ydi. Lekin Tajudinov finalga etib kelgani bois, Ibragimovda bronza medali hamda Parij Olimpiadasi yo'llanmasi uchun imkoniyat saqlanib qoldi. Buning uchun u avvaliga Kosta-Rika kurashchisi Maksvell Lemarni mag'lub qilish talab etiladi.