05 iyu 12:13
Yangiliklar

Sport kurashlari

Umidjon Jalolov va Bobur Islomov bronza uchun gilamga chiqadi

Qozog'istonning Olma-Ota shahrida erkin, yunon-rum va ayollar kurashi bo'yicha reyting turniri davom etmoqda.

Hozirgina istedodli erkin kurashchimiz Umidjon Jalolov musobaqadagi uchinchi uchrashuvini yakunladi. 65 kg vazn toifasida kurayotgan Yoshlar Olimpiadasi chempioni afsuski, 1/2 finalda mo'g'ulistonlik Tumur Ochirga so'nggi soniyalarda 1-5 hisobida yutqazib qo'ydi. Jalolov ustunlikni o'zida saqlab qololmadi.

Endi kechki dasturda Umidjon Jalolov va Bobur Islomov musobaqaning bronza medali uchun kurashishadi. 86 kg vazndagi hamyurtimiz Bobur Islomov 1/2 finalda slovakiyalik Boris Makoevga 1-6 hisobida yutqazib qo'ydi. Uning bronza uchun bahsdagi raqibi Nurjan Issagaliev (Qozog'iston) bo'ladi. Jalolov esa tojikistonlik Komron Xolovga qarshi gilamga chiqadi.