"Uning kamarini tortib olaman". Ian Garri - Maxachev bilan jang haqida gapirdi

Ularning to'qnashuvi AQSHning Filadelfiya shahrida o'tadigan UFC 330 turnirining asosiy jangi bo'ladi.

"Bilasizmi, menimcha, Islamning zaif tomonlari ko'p emas. U hali men kabi uzun bo'yli va uzun oyoqli jangchiga qarshi chiqmagan. Men kabi tezkor jangchiga qarshi ham jang qilmagan. Masofani ushlay oladigan, boks mahoratiga ega, bosh harakatlaridan yaxshi foydalanadigan va teykdaunlarga qarshi himoyalana oladigan jangchi bilan ham to'qnash kelmagan.

Balkim, u meni parterga o'tkazar. Hatto shunday bo'lishiga umid qilaman, chunki butun dunyoga Maxachev meni sabmishn qilishga qodir emasligini isbotlamoqchiman. Butun dunyoga uning ostida qolib ketmasligimni ko'rsatmoqchiman. Uning o'yinida ham g'alaba qozonishim mumkinligini namoyish etmoqchiman.

Men uchun uning shu zalda qancha vaqt mashq qilgani ahamiyatsiz. Islam bu bilan qancha vaqt shug'ullangani ham muhim emas. Uning sambo bo'yicha xalqaro toifadagi sport ustasi unvoni bormi-yo'qmi — bu ham qiziq emas. Men uning boshini kanvasga uraman va chempionlik kamarini tortib olaman. Uning taxtini egallayman, rekord darajadagi g'alabalar seriyasiga nuqta qo'yaman va Islamning tarixga kirishiga yo'l qo'ymagan inson sifatida qolaman", — dedi Garri o'zining ijtimoiy tarmoqdagi sahifasiga joylangan videoda.