"Universal" sport saroyida paradzyudo bo'yicha mamlakat chempionati boshlandi (FOTOGALEREYA)

Unda Respublikamizning turli xududlaridan tashrif buyuurgan 120 nafar sportchi g'oliblik uchun tatamiga chiqmoqda.

Ishtirokchilar xalqaro talablar asosida J1 (ko'zi ojiz) va J2 (zaif ko'ruvchi) yo'nalishlarida kurash olib borishadi. Musobaqaga tajribali hakamlar jalb etilgan bo'lib, barcha jarayonlar shaffof, halol va adolatli tarzda o'tkaziladi. 

Ushbu mamlakat chempionatidan ko'zlangan asosiy maqsad, para dzyudo bo'yicha O'zbekiston terma jamoasiga munosib nomzodlarni saralab olish va kelajakda bo'ladigan xalqaro nufuzli sport musobaqalarida yuqori o'rinlarni egallashdan iborat. 

Musobaqaning tantanali ochilish marosimida Sportni rivojlantirish vazirligi, Milliy paralimpiya qo'mitasi hamda ko'plab sport federaciyalar rahbariyati ishtirok etishi ko'zda tutilgan.