“Universiada-2019”. G'oliblar final bosqichida ishtirok etadi

Xususan, Qarshi davlat universitetida Universiada sport musobaqalari dasturidan o'rin olgan belbog'li kurash bo'yicha saralash bellashuvlari bo'lib o'tdi. Viloyatdagi mavjud oliy talim muassasalaridan 100 nafarga yaqin polvonlar -55, -60, -66, -73, -81, -90 hamda +90 kg. vazn toifalarida g'oliblik uchun kurash tushishdi. 

Murosasiz bellashuvlarning yakuniy natijalariga ko'ra, Muhammad Naimov (-60 kg. QDU), Bekmurod Berdiev (-66 kg. QDU), Farrux Davurov (-73 kg. QDU), Ramozon Norqobilov (-81 kg. Qarshi muhandislik-iqtisodiyot instituti), Laziz Egamov (-90 kg. QDU), Salohiddin Zaripov (+90 kg. QDU)lar barcha raqiblaridan ustun kelib, “Universiada-2019” Respublika bosqichiga yo'llanma olishdi.

Bahriddin YARMATOV, belbog'li kurash bo'yicha viloyat bosh murabbiiy: 

- Milliy sport turlarimizdan bo'lgan belbog'li kurash viloyatimizda keyingi yillarda yoshlar o'rtasida ommalashib bormoqda. Xususan, oliy o'quv yurtlarimizda ham qiziqish yuqoriligi bois, bellashuvlar murosasiz, qiziqarli va shiddatli jarayonlarga boy tarzda o'tadi. Bugungi musobaqada ham eng kuchli polvonlarimizni saralash oson kechmadi. O'ylaymanki, respublika final bosqichida polvonlarimiz yuqori natijalarni qayd etib, kuchli uchlikdan joy olishadi. Tez orada o'quv-yig'in mashg'ulotini boshlaymiz.

Ilhom RAHMONOV tayyorladi