Usman Nurmagomedov UFC bilan shartnoma imzolaydimi? Dana Uayt javob berdi

UFC rahbari Dana Uayt engil vaznda amaldagi Bellator chempioni Usman Nurmagomedovning bu o'ziga xos "transferi"ga munosabat bildirdi. Usman ikki yildan keyin dunyoning eng kuchli Ligasiga o'tishni rejalashtirmoqda. 

Hamma yaxshi jangchilar har qanday sharoitda ham UFC bilan shartnoma imzolashni istashyapti. Ha, Usman ham safimizga qo'shiladi. Frensis Ngannudan tashqari boshqa hech kim PFL Ligasida jang qilishni xohlamayapti", - dedi Dana Uayt Abu-Dabidagi matbuot anjumanida.

Rossiyalik 26 yoshli aralash yakkakurash UFC promosheni bilan shartnoma imzolashga shoshilmayapti. Usman jamoadoshi, engil vaznda UFC chempioni Islam Maxachevning yo'lini to'smoqchi emas. U tajribasini oshirib olgach, taxminan ikki yildan keyin UFC bilan shartnoma imzolaydi. 

Eslatib o'tamiz, shu yilning sentyabr oyida Usman Nurmagomedov engil vazndagi Bellator chempionlik kamarini muvaffaqiyatli himoya qilgandi. U besh raund to'liq davom etgan jangda hamyurti Aleksandr SHabliyni mag'lub etgan edi. Uning keyingi raqibi irlandiyalik Pol Xyuz bo'lishi kerak. Pol davogarlar jangida amerikalik Ey Jey MakKidan ustun keldi.