Vladimir Klichko har tomondan hujum va bosqinga uchragan mamlakatning poytaxtidan yozadi: Bu Ukraina urushi emas. Bu Putinning urushi

Ukrainlik taniqli sportchilar o'z yurtlarida sodir bo'layotgan urushdan barcha kabi qattiq havotirda. Bokschi Vladimir Klichko ijtimoiy tarmoqda Rossiyaning Ukrainga bostirib kirgani va uning oqibatlari haqida yozdi.

«Men sizga Kievdan, urush bo'layotgan, har tomondan hujum va bosqinga uchragan mamlakatning poytaxtidan yozyapman. Bu "Ukraina urushi" emas, bu Putinning urushi. Bir necha oy davomida tuzilgan rejani yo'lga qo'yish uchun so'nggi bir necha hafta sokinliklari ortida puxta tayyorgarlik yashiringan edi.  Soxta diplomatik deklaraciyalar endi yo'q. Endi Rossiya prezidenti sof bolshevik ananalarida urush ritorikasidan foydalanmoqda va chegaralarni qayta taqsimlashni oqlash uchun tarixni qayta yozmoqda. U Ukraina davlatini va uning xalqining suverenitetini yo'q qilmoqchi ekanligini ochiq-oydin bildiradi. So'zlardan keyin raketalar va tanklar keladi. Bizning boshimizga vayronagarchilik va o'lim keladi. Yakunda, ko'z yoshlari bilan qon aralashadi.

Biz o'zimiz va farzandlarimiz kelajagi haqida xulosa chiqarish uchun jasoratli bo'lishimiz kerak. Bu xalqaro huquqning ochiqdan-ochiq buzilishidir. Va agar diqqat bilan tinglasangiz, bu urush Evropa haqida ham gapiradi.

Putin butun Evropa bo'ylab geosiyosiy muvozanatni shubha ostiga qo'ymoqchi, u slavyan xalqlari qaerda yashamasin, ularning himoyachisi bo'lishni orzu qiladi va halokatini hech qachon qabul qila olmagan, allaqachon yakson bo'lgan imperiyani tiklamoqchi. U bizning qitamizga buzilgan-hayoliy ulug'vor o'tmishning ko'zoynaklari orqali nigoh tashlaydi. SHunga qaramay, bu megalomaniya juda aniq tasirga ega. Evropa turmush tarzi tahdid ostida, xalqlarning o'z qarorlarini qabul qilish erkinligi va demokratiya tahdid ostida», - deb yozib qoldirdi, Vladimir Klichko Instagram sahifasida.