Vodiylik murabbiylar uchun og'ir atletika saboqlari bo'yicha vebinar o'tkazildi

Farg'ona vodiysi og'ir atletika maktabi tarbiyalanuvchilari doimo terma jamoamizning asosiy tarkibida bo'lib kelishgan. Hozir ham Adhamjon Ergashev, Muattar Nabieva kabi sportchilarimiz nafaqat jamoamiz balki, o'z vazn toifasida jahonning etakchi atletlaridan sanalishadi. Bugun terma jamoamizda faoliyat olib borayotgan qozog'istonlik murabbiy Erjas Boltaev ishtirokida Farg'ona, Andijon va Namangan og'ir atletika murabbiylari uchun vebinar tashkil qilindi. Mazkur vebinar davomida Erjas Boltaev bir qator yo'nalishlar bo'yicha mahorat saboqlarini ham ko'rsatib berdi. Jarayonni O'zbekiston og'ir atletika federaciyasi raisining birinchi o'rinbosari SHahrullo Mahmudov, shuningdek, MOQ mutasaddi vakillari kuzatib borishdi.

Tadbir davomida mutaxassis og'ir atletikaning zamonaviy metodikasi, dast va siltab ko'tarish bo'yicha ko'rsatkichlarni yaxshilashda yordam beradigan, qo'l, bel va oyoq mushaklarini rivojlantiruvchi kompleks mashqlar, sportchilarni musobaqalarga to'g'ri tayyorlab borish kabi muhim masalalar yuzasidan o'z tajribasi bilan o'rtoqlashdi. SHuningdek, unda ishtirok etgan murabbiylar yosh sportchilarga qanday yuklama berish, ularning ovqat racionida nimalarga etibor qaratish, uy sharoitidagi mashg'ulotlar borasida o'zlarini qiziqtirgan savollariga javob olishdi.

Takidlash joiz, mazkur vebinar va mahorat saboqlari keyinchalik yozib olingan holda har bir murabbiylarga taqdim qilinadi.