Volkanovski UFC engil vazn chempionligini ham ko'zlamoqda

Kecha u besh raund to'liq davom etgan dramatik jangda Brayan Ortegani ochkolar hisobiga kzra mag'lubiyatga uchratgan edi. 

"Men jangni muddatidan avval yakunlashim haqida aytgandim. Bunga juda yaqin ham keldim. Muxlislar haqiqiy urushga guvoh bo'lishdi. Tomoshabinlarbop jang tashkil etib berganimizdan xursand bo'ldim", - deydi avstraliyalik chempion UFC 266 turniridan keyin o'tkazilgan matbuot anjumanida.

CHempion o'z so'zida davom etar ekan, kamarini boy berib qo'yishiga bir bahya qolganiga ham urg'u qaratdi:

"Ortega meni shunchalik qattiq bo'g'ib olgandiki, o'sha payt 'Jin ursin, hozir kamarimni boy beraman" deb ham o'ylay boshladim. O'zimdan g'alati ovozlar chiqayotganini eshitib turardim. Bu dahshatning o'zginasi edi". 

Aleks keyingi raqibi sifatida kimni ko'rish istagida ekanini ham malum qildi:

"Maks Xollouey va Yair Rodriges o'rtasida o'tkaziladigan jang g'olibiga qarshi oktagonga chiqmoqchiman. Ular noyabrda o'zaro to'qnash kelishadi. Keyin engil vazn UFC chempioniga ham chaqiruv bilan chiqmoqchiman. Avstraliya va Yangi Zelandiyadagi epidemiologik vaziyat tufayli oilam va jamoam bilan Las-Vegasda qolaman", - deya so'ziga yakun yasagan Volkanovski. 

Eslatib o'tamiz, engil vazn toifasida CHarlz Oliveyra UFC chempioni bo'lib turibdi. Oliveyra 11 dekabr kuni Dastin Porega qarshi jangda kamarini himoya qilishi kerak. UFC 269 turniri Las-Vegasda o'tkaziladi. Oliveyra - Pore jangi oqshomning markaziy to'qnashuvi bo'ladi.