WBO Oriental chempioni Olimjon Nazarov yana bir kamar uchun jang qiladi. Raqib, jang sanasi va manzil malum!

Hamyurtimiz 5 may kuni Koreya Respublikasining Gohyong shahridagi "Paryeong Gymnasium" majmuasida "Cocky Buffalo" promouterlik kompaniyasi tomonidan tashkil etiladigan professional boks oqshomida ringga ko'tariladi. Nazarovga o'sha kuni tailandlik Saravut Jiamtong (11-4-0) raqiblik qiladi.

Ahamiyatlisi, 12 raundga mo'ljallangan jang o'ta engil vazn toifasida vakant bo'lib turgan WBO International kamari uchun o'tkaziladi. Bu jangdagi g'alaba orqali Olimjon o'z kamarlari sonini 2 taga etkazib olishi mumkin.

Eslatib o'tamiz, 38 yoshli Olimjon Nazarov so'nggi jangini 13 yanvar kuni Vulan Tuolehaziga qarshi o'tkazib, ochkolar hisobiga ko'ra g'alaba qozongan edi.