06 noy 12:26
Yangiliklar

Tennis

WTA Finals. Iga Svyontek Goffga yutqazib qo'ydi

Dunyoning ikkinchi raketkasi Iga Svyontek Ar-Riyodda davom etayotgan Yakuniy WTA turnirining ikkinchi uchrashuvida mag'lubiyatga uchradi.

Polshalik tennis malikasi guruh bosqichining ikkinchi uchrashuvida WTA reytingida uchinchi pog'onada borayotgan amerikalik Koko Goffga imkoniyatni boy berib qo'ydi - 3/6, 4/6.

Tennischilarning o'zaro uchrashuvlarida Iga hamon katta farq bilan oldinda bormoqda - 11:2. Bir soatu 48 daqiqa davom etgan bahsda Svyontek 1, Goff 2 ta eys zarbasini amalga oshirgan. Qo'shxatolar ham, breyklar ham Kokoda ko'p bo'ldi - mos ravishda 11 ga 2 va 5 ga 2.

Guruhning ikkala uchrashuvida g'alaba qozongan Goff muddatidan avval 1/2 finalga yo'l oldi. Svyontek pley-offga chiqishi uchun guruhning so'nggi uchrashuvida g'alaba qozonishi kerak.