WTA reytingi. 208 pog'onaga pastlagan Niginadan boshqa barcha tennis malikalarimiz sezilarli darajada yuqoriladi

Yangilangan reytingda hamon belaruslik Arina Sobolenko juda katta tafovut bilan peshqadamlikni davom ettirmoqda. Amerikalik Koko Goff ikkinchi o'rinni saqlab qoldi. Uimbldon turniri chempioni Iga Svyontek kuchli uchlikni yakunlab turibdi. Top-10 reytingida bir nechta o'zgarish kuzatildi. Medison Kiz 8-pog'onadan 6-o'ringa ko'tarilib oldi. 

Qozog'istonlik Elena Ribakina 2 pog'onaga yuqorilab, Top-10`ga qaytdi. Monreal WTA 1000 turniri chempioni, kanadalik 18 yoshli Viktoriya Mboko 61 pog'onaga ko'tarilib, faoliyatida ilk bor dunyoning 24-raketkasiga aylandi. Finalda Mbokoga yutqazgan yaponiyalik Naomi Osaka 24 o'ringa yuqorilab, reytingning 25-pog'onasiga joylashdi. 

Yangilangan reytingda 6 nafar tennis malikamizdan birgina Nigina Abduraimova pastladi. Tajribali tennischimiz 208 pog'ona quyiga sho'ng'ish barobarida O'zbekistonning ikkinchi raketkasi maqomini Darya SHubinaga topshirdi. U endi mamlakatimizning uchinchi raqamli tennischisi. Birinchi raketkamiz Vlada Yakshibarova 6, ikkinchi raqamli tennischimizga aylangan SHubina 17, Milana Maslenkova 16, Sabrina Olimjonova 14, Diana Yakovleva 20 pog'onaga ko'tarildi. 

WTA reytingi. 9 avgust kungi holat:

1 (1) Arina Sobolenko (Belarus) - 12010

2 (2) Koko Goff (AQSH) - 7669

3 (3) Iga Svyontek (Polsha) - 6933

4 (4) Jessika Pegula (AQSH) - 5488

5 (5) Mirra Andreeva (Rossiya) - 4948

6 (8) Medison Kiz (AQSH) - 4579

7 (6) CHjen Cinven (Xitoy) - 4553

8 (7) Amanda Anisimova (AQSH) - 3834

9 (9) Jasmine Paolini (Italiya) - 3586

10 (12) Elena Ribakina (Qozog'iston) - 3283

O'zbekistonlik tennischilarning WTA reytingidagi o'rni:

871 (877). Vlada Yakshibarova – 28 

1223 (1240). Darya SHubina – 9 

1259 (1051). Nigina Abduraimova – 8  

1264 (1280). Milana Maslenkova – 8 

1388 (1402). Sabrina Olimjonova – 5 

1407 (1427). Diana Yakovleva – 4