WTA reytingi. Yakuniy turnir chempioni Top-5`da, qizlarimizda ahvol chatoq - ikki nafari reytingni tark etdi

Yangilangan reytingdagi tennis malikalarimiz soni 5 nafarni tashkil etmoqda. Sabrina Olimjonova va Darya SHubina WTA reytingini tark etdi. Birgina uchinchi raketkamiz Milan Maslenkova o'tgan haftadagi o'rnini saqlab qoldi. Qolgan tennischilarimiz reytingda pastlashdi. O'zbekiston fuqaroligini qabul qilgan Mariya Timofeeva 1 pog'ona pastlab, roppa-rosa 150-o'rinni egallab turibdi. Uning hisobida 486 ochko bor. O'tgan hafta u 513 WTA reyting ochkosiga ega edi. Ikkinchi raketkamiz Vlada Yakshibarova ham 27 o'ringa pastladi. Nigina Abduraimova 6, Diana Yakovleva 5 o'rin quyiga sho'ng'idi. 

Dunyo tennischilar Top-10`taligida bitta o'zgarish kuzatilmadi. WTA Finals chempioni qozog'istonlik Elena Ribakina 6-pog'onadan 5-o'ringa ko'tarildi. Qolgan tennis malikalari o'tgan haftadagi o'z o'rinlarini saqlab qolishdi. Reytingida hamon belaruslik Arina Sobolenko peshqadamlik qilmoqda. U WTA Finals bosh sovrini uchun kechgan final uchrashuvida Ribakinaga yutqazib qo'ygandi. Ikkinchi o'rindan polshalik Iga Svyontek joy olgan. Kuchli uchlikka amerikalik Koko Goff yakun yasagan. 

WTA reytingi. 10 noyabr kungi holat:

1. (1) Arina Sobolenko (Belarus) - 10 870 ochko

2. (2) Iga SHvyontek (Polsha) - 8395

3. (3) Koko Goff (AQSH) - 6763

4. (4) Amanda Anisimova (AQSH) - 6287

5. (6) Elena Ribakina (Qozog'iston) - 5850

6. (5) Jessika Pegula (AQSH) - 5583

7. (7) Medison Kiz (AQSH) - 4335

8. (8) Jasmin Paolini (Italiya) - 4325

9. (9) Mirra Andreeva (Rossiya) - 4319

10. (10) Ekaterina Aleksandrova (Rossiya) - 3375...

O'zbekistonlik tennischilarning WTA reytingidagi o'rni:

150 (149). Mariya Timofeeva – 486

1061 (1034). Vlada Yakshibarova – 16  

1184 (1184). Milana Maslenkova – 11 

1321 (1315). Nigina Abduraimova – 7  

1469 (1464). Diana Yakovleva – 3