04 noy 13:50
Yangiliklar

Tennis

WTA Yakuniy turnir. Iga Svyontek muqarrar mag'lubiyatdan chiqib ketdi

Saudiya Arabistoni poytaxti Ar-Riyod shahrida tennis bo'yicha Yakuniy WTA turniri bo'lib o'tmoqda.

Dunyoning ikkinchi raketkasi Iga Svyontek guruhning ilk uchrashuvida WTA reytingida 13-pog'onada borayotgan chexiyalik Barbora Kreychikova ustidan irodali g'alabaga erishdi - 4/6, 7/5, 6/2. Polshalik tennis malikasi o'zaro uchrashuvlar hisobida oldinga chiqib oldi - 2:1.

Ikki soatu 35 daqiqa davom etgan bahsda Svyontek 10, Kreychikova 3 ta eys zarbasini amalga oshirdi. Qo'shxatolar ikkala tennischida ham etarlicha bo'ldi - 6 ga 5, Barbora "foydasiga". Breyklar bo'yicha ustunlik esa Iga tomonida bo'ldi - 5 ga 4.