Wuhan Open. Arina Sobolenko 1/4 finalda

Sayyoramizning ikkinchi raketkasi Arina Sobolenko musobaqaning chorak final ishtirokchisiga aylandi. Belaruslik tennis malikasi Wuhan Open uchinchi davrasida irodali g'alabaga erishdi. Arina WTA reytingida 35-o'rinni egallab turgan qozog'istonlik Yuliya Putincevani uch set natijasiga ko'ra taslim etdi - 1/6, 6/4, 6/0.

Tennischilarning o'zaro uchrashuvlaridagi hisob 2:0 ko'rinishiga keldi. Ikki soatu uch daqiqa davom etgan bahsda Sobolenko 4, Putinceva 2 ta eys zarbasini amalga oshirgan. Breyklar bo'yicha ustunlik Arina tomonida bo'ldi - 6 ga 5! Endi amaldagi chempion 1/4 finalda polshalik Magdalena Frenxga qarshi kortga chiqadi.