Xabib eng yoqtirgan jurnalisti kimligini aytdi

"Bu Vladimir Pozner. Men uning jiddiy insonlar bilan uyushtirgan juda ko'p suhbatlarini ko'rganman. Uning suhbatdoshlari hamisha yoshi ulug', hayotda shaxs sifatida shakllangan jiddiy insonlar bo'lib kelgan. Poznerning savollarini eshitish men uchun zavq bag'ishlagan. U o'z savollari bilan sizni ruhiy sindirishga urinadi va men buni hamisha his qilib turganman. Uning intervyu masalasidagi so'rovlarini bajonidil qabul qilaman. Bu suhbat o'zim uchun ham qiziq bo'ladi", - dedi Nurmagomedov. 

Eslatib o'tamiz, 87 yoshli Vladimir Pozner bir necha yillardan beri Rossiya Birinchi kanalida efirga uzatiladigan "Pozner" mualliflik ko'rsatuvining boshlovchisi hisoblanadi.