Xabib Makgregor - Meyvezer jangini kelishilgan deb atadi

"So'zsiz, bizning jangimiz jang sanatlari tarixidagi eng yirigi bo'ldi — hech qaysi jang unga teng kela olmaydi. Hattoki, Konorning Meyvezerga qarshi o'tkazgan jangi ham. Ha, bu tarixiy shou edi, MMA chempioni boks chempioniga qarshi! Ammo, bu jang hech kimni tashvishga solmadi".

Nurmagomedovning fikricha, bu ikki jangdagi asosiy farq shuki — u Makgregor bilan o'tkazgan jang haqiqiy halol jang bo'lgan.

"Ko'pchilik hattoki jang aslida qanday bo'lganini eslay olmaydi. Misol uchun, hakam qaysi raundda jangni to'xtatdi? Ko'p odamlar buni eslamaydi. Ular buni eslay olmaydilar ham. Sababi, bu jang emas, sparring edi. SHaxsiy fikrimcha, bu haqiqiy jang emas edi, chunki, Makgregor haqiqiy bokschi emas. Meyvezerning jangdagi harakatlariga keladigan bo'lsak, bu ko'proq soxta, kelishilgan jangga o'xshar edi.

Bu mening shaxsiy fikrim, balki, xato aytayotgandirman. Lekin bizning jangimiz 100% haqiqat edi. Jangdan oldin, jang paytida va undan keyin bo'lgan hamma-hammasi haqiqatdan ham yuz bergan edi", — deb aytib o'tgan rossiyalik jangchi Full Send eshitttirishida.

Eslatib o'tamiz, 2017 yil avgust oyida Konor Makgregor professional boksda debyut qilgan edi. Ilk jangini Floyd Meyvezerga qarshi o'tkazgan Makgregor jangning o'ninchi raundida texnik nokaut bilan mag'lub bo'ldi. 2018 yil oktyabr oyida esa irlandiyalik jangchi Xabib Nurmagomedovdan engil vazn chempionligi kamarini olishga urinib ko'rdi. Jang to'rtinchi raundda Xabibning g'alabasi bilan yakunlanadi.