Xalqaro Press klub Kurash sportini yanada ommalashtirishda hamkorlik qiladi

Joriy yilda Xalqaro Kurash associaciyasi va qitaviy konfederaciyalar taqvim rejasidan 50 dan oshiq nufuzli tadbirlar o'rin olgan. Mart oyida Kurash vatani – O'zbekistonda kattalar va yoshlar o'rtasida Osiyo chempionati bo'lib o'tsa, sentyabr oyida Xitoyning Guanjou shahri Yozgi Osiyo o'yinlariga mezbonlik qiladi. 

Noyabrning yakunlarida esa Hindistonda Kurash bo'yicha kattalar o'rtasida Jahon chempionlari nomi aniqlanadi. SHuningdek, joriy yilda yurtimizda va Ko'hna qita Evropada bir necha bora O'zbekiston Respublikasi Prezidenti sovrini uchun xalqaro turnirlar, Kurash murabbiylari va hakamlarining xalqaro seminarlari tashkil etiladi. 

Kecha Xalqaro Kurash associaciyasida bo'lib o'tgan yig'ilishda ham mazkur musobaqalarni eng yuqori darajada tashkil etish, sevimli sportimizni xalqaro maydonda yanada rivojlantirish kabi masalalar muhokama qilindi. 

Yig'ilishda Xalqaro Kurash associaciyasi va uning tarkibidagi Osiyo-Okeaniya Kurash konfederaciyasi, Xalqaro kurash instituti, O'zbekiston Kurash federaciyasi rahbarlari, Xalqaro press klub va OAV vakillari ishtirok etishdi. 

Darhaqiqat, Kurash asrlar davomida O'zbek xalqining eng ommaviy va sevimli milliy o'yinlari qatorida ezozlab kelingan. Kurash- yakka kurashning qadimiy turi bo'lib, tarixiy malumotlarga ko'ra uning yoshi uch ming yillikdan ortiqqa borib taqaladi. 

Kurash – o'zbekcha so'z bo'lib, g'alabaga halol yo'l degan manoni bildiradi. Bugungi kunda Xalqaro Kurash associaciyasii tarkibida 130 dan ziyod davalatlar milliy federaciyalari faoliyat yuritadi. 

O'zbekiston hukumatining qo'llab-quvvatlashi va Associaciya rahbariyati say-harakatlari bilan Kurash sporti Osiyo o'yinlarining barcha Dasturlaridan rasman o'rin egallagan. O'zbekiston Respublikasi Prezidentining 2020 yil 4 noyabr kuni “Kurash milliy sport turini rivojlantirish va uning xalqaro nufuzini oshirish chora-tadbirlari to'g'risida”gi PQ-4881-son qarori qabul qilindi. 

Mazkur qaror Kurash sportining rivoji yo'lidagi yangi davrni boshlab berdi. Qaror asosida Associaciya va uning tarkibidagi milliy federaciyalarni qo'llab-quvvatlash, professional kurashchi va mutaxassislarni tayyorlash, Kurash sportini yanada ommalashtirish, respublika va xalqaro media maydonda keng targ'ib qilish, kelajakda Kurashni Olimpiyada o'yinlari Dusturiga kiritish borasida manzilli chora-tadbirlar belgilab berilgan. 

Yig'ilish davomida mazkur ishlarni tashkil etishda o'zaro hamkorlik, bir jamoa sifatida faoliyat yuritish muhimligi alohida takidlandi. Xalqaro Press klub tomonidan Kurash sportini keng targ'ib qilish, ommalashtirish bo'yicha Osiyo-Okeaniya Kurash konfederaciyasi va O'zbekiston Kurash federaciyalari bilan hamkorlik memorandumi imzolandi.