07 sen 15:33
Yangiliklar

Boks/MMA

Xamzat CHimaev grepplingda sobiq UFC chempionini mag'lub etdi + FOTO

Mag'lubiyat va murosa nimaligini bilmay kelayotgan Xamzat CHimaev mashg'ulotlarni davom ettirmoqda.

O'rta vazn toifasidagi chechenistonlik UFC jangchisi greppling bo'yicha o'tkazilgan norasmiy jangda sobiq UFC chempioni amerikalik Lyuk Rokxoldni mag'lubiyatga uchratdi. Ushbu jang HFC Reality realiti-shousi doirasida o'tkazildi. Xamzat va Lyuk o'rtasidagi kurash besh daqiqacha davom etgan. CHimaev raqibini og'ritish usuli evaziga taslim etgan.

Eslatib o'tamiz, Xamzat CHimaev navbatdagi jangini 26 oktyabr kuni BAA poytaxti Abu-Dabida tashkil etiladigan UFC 308 turniri doirasida avstraliyalik Robert Uittakerga qarshi o'tkazadi. Ushbu jang besh raund etib belgilangan.