Xilko finalga chiqa olmadi, u uchun Olimpiada tugadi

Ayni daqiqalarda bir nechta sport turi, jumladan trampolin bahslari ham davom etmoqda. Unda Pekin Olimpiadasining bronza medal sovrindori Ekaterina Xilko ham o'z imkoniyatini sinovdan o'tkazdi. Hamyurtimiz ilk majburiy chiqishda 46.570 ball bilan 16 sportchi orasida 10-o'rinni egallagandi.

Afsuski, ikkinchi urinish mashqlarida u mo'jiza ko'rsata olmadi. To'g'ri, ikkinchi urinish birinchi chiqishga nisbatan yaxshiroq ball (50.955) taqdim etdi. Lekin raqibalarning ijobiy natijasida Xilko finalga yo'llanma olgan kuchli 8 sportchi safidan joy ola bilmadi. Ekaterina uchun Olimpiada yakunlandi. Xilko 16 ishtirokchi orasida 12-o'rinni egalladi.