29 apr 17:20
Yangiliklar

Boks/MMA

Xolmurod Nurmatov kechagi jangdan keyingi holatini ko'rsatdi va muxlislarga murojaat qildi + FOTO

O'ta engil vaznda o'zbekistonlik aralash yakkakurash ustasi Xolmurod Nurmatov kecha Moskva shahrida Rossiyaning ACA (Absolute Championship Akhmat) ligasida debyut qilgandi.

Hamyurtimiz ACA 156 turnirida afg'onistonlik hali mag'lubiyat nimaligini bilmay kelayotgan Abdul-Karim Badaxshi (7-0)ga qarshi oktagonga chiqib, ochkolar hisobiga ko'ra imkoniyatni boy berib qo'ygan edi.

Nurmatov kechagi jangidan keyin ilk bor Instagram sahifasiga post joyladi. U jangdan keyingi holati aks etgan surat ostida muxlislarga murojaat ham yo'lladi.

"Alhamdulillah! Menga nima yaxshi ekanini Alloh mendan ko'ra yaxshiroq bilguvchidir. Mag'lubiyat bilan kimnidir ranjitgan bo'lsam, Alloh uchun uzr so'rayman", - dedi Nurmatov.

G'alaba va mag'lubiyat hamisha yonma-yon yuradi. Xolmurod Nurmatovga keyingi janglarida g'alaba va omad yor bo'lsin.