Xolmurod Nurmatov kutilmaganda afg'onistonlik raqibiga mag'lub bo'ldi

O'ta engil vaznda o'zbekistonlik aralash jang sanatlari vakili Xolmurod Nurmatov (12-6-1) kecha Rossiyaning ACA (Absolute Championship Akhmat) ligasida debyut qildi.

Vakilimiz Moskvada tashkil etilgan ACA 156 turnirida oktagonga chiqdi. Unga afg'onistonlik engilmas jangchi Abdul-Karim Badaxshi (7-0) raqiblik qildi. Jang to'liq 3 raund davom etdi va unda hakamlar qarori bilan afg'onistonlik sportchi g'alaba qozondi.

Nurmatov va uning murabbiyi Jasur Alijonov mag'lubiyatga munosabat bildirar ekan, Xolmurodning qisqa muddatda jangga tayyorgalanganini, jarohat bilan jang qilganini yashirib o'tirmadi.