Xonqa tumanidagi sport majmuasi zamonaviy ko'rinishga keltirilmoqda

Buning samarasi, mamlakatimizda yoshlarni jismoniy tarbiya va sportga kengroq jalb etish, sport inshootlari quvvatini oshirish, undan unumli va maqsadli foydalanish yo'lida islohotlar amalga oshirilayotir.

Joriy yilning mart oyida O'zbekiston Respublikasi jismoniy tarbiya va sport vaziri Dilmurod Nabiev Xorazm viloyatiga tashrifi chog'ida bu borada vohada amalga oshirilayotgan ishlar bilan yaqindan tanishgan edi. O'rganishlar yakuniga ko'ra, mutasaddilarga kelgusida bajarilishi lozim bo'lgan vazifalar yuzasidan foydali maslahat va tavsiyalarini, mavjud sport inshootlarining infratuzilmasini yaxshilash, ayrimlarini mukammal tamirlash bo'yicha tegishli topshiriqlar bergandi.

Ayni damda, viloyatda vazir ko'rsatmasiga asosan ijobiy ishlar amalga oshirilmoqda. CHunonchi, Xonqa tumanidagi BO'SMning II-TIP loyiha asosida qad rostlagan sport majmuasini mukammal tamirlash ishlari qizg'in pallaga kirgan. O'z navbatida “Xiva Jayhun qurilish” masuliyati cheklangan jamiyatining qo'li gul ishchilari faollik ko'rsatib, sport majmuasini havas qilsa arzigulik darajaga etkazishayotir.

Xorazm viloyati jismoniy tarbiya va sport boshqarmasi boshlig'i vazifasini vaqtincha bajaruvchi Artik Palvonov tamirlash ishlari bilan tanishish maqsadida u erga tashrif buyurdi, majmuaning tamirlanayotgan xonalarini, stadion va sport zalini ko'zdan kechirdi. O'z navbatida masullar bilan uchrashib, o'zining taklif va fikr-mulohazalarini bildirdi.

Ishonchimiz komilki, mazkur sport majmuasi tez orada ko'zni quvnatadigan, maftunkor darajaga keltiriladi va yoshlarning yana sevimli maskaniga aylanadi.