XOQ rahbari Tokiodagi Olimpiada obektlariga tashrif buyurdi

Prezident Bax Tokioga “Olimpiya o'yinlariga eng yaxshi taraddud ko'rgan shahar”, deya allaqachon tarif berib qo'ygan. Inshootlarga safari oldidan u shu sanalarda Tokioda rasmiy tashrif bilan bo'lib turgan Avstraliya Bosh vaziri Skott Morrison bilan uchrashdi. Xabaringiz bor, Bosh vazir Morrison Avstraliya hukumati 2032 yilgi Olimpiadani o'tkazish uchun Kvinslendning nomzodini to'liq qo'llab-quvvatlashga tayyorligini bildirgan edi.

Uchrashuvdan so'ng XOQ rahbari Tokio-2020 Olimpiadasi uchun 9000 dan ziyod sportchi, jami 17 000 nafar mehmonni qabul qiladigan Olimpiya shaharchasi sari yo'l oldi. Triatlonchi Ueda Ai, paralimpiya badmintoni bo'yicha atlet Satomi Sarina va qilichboz CHida Kenta bilan uchrashuvdan so'ng, birgalikda sportchilar turarjoyini borib ko'rishdi.

Prezident Bax mehmonlar yashaydigan hudud imkoniyatlarini yuqori baholab, sportchilarga shunday dedi: «SHaharcha juda yaxshi manzilda joylashgan, yorug'lik etarli. Yaqin atrofda ko'rinib turgan ramziy Kamalak ko'prigi nihoyatda ajoyib. Hudud eng yaxshi maskan bo'lishi kerak».

So'ngra uchala sportchi XOQ prezidenti bilan birga 5000 kishiga mo'ljallangan ovqatlanish xonasini borib ko'rdi. Muhtasham Olimpiya stadionida ham bo'lgan Tomas Bax «inshootni ilhomlantiruvchi» deb tarifladi.

Stadion loyihasi Kengo Kuma tomonidan ishlab chiqilgan bo'lib, ushbu mutaxassis Lozannadagi Olimpiya uyi qurilishida hakamlar hayati tarkibida ham ishlagan.

Prezident Bax kunni Yaponiya Olimpiya muzeyidagi Olimpiya mashalasini ziyorat qilish bilan yakunladi. Unga yaponiyalik bir nechta sportchilar va dunyoning turli mamlakatlaridan kelgan Olimpiada stipendiyalari sohiblari hamrohlik qilishdi.