Xorazm – yunon-rum kurashi rivoj topayotgan maskan

Mamlakatimizda ushbu sportning uchta yo'nalishi: erkin, yunon-rum va ayollar kurashi ham birdek rivoj topib bormoqda. Hududlarda sport kurashlarini yanada rivojlantirish va ommaviylashtirish yo'lida keng ko'lamdagi ishlar amalga oshirilmoqda. Asosiysi, yoshlarni sportning ushbu turiga qiziqtirib olish. Keyin esa iqtidor egasi tayyorgarlikning turli bosqichlarida toblanadi va terma jamoa uchun mos sportchiga aylanadi.

Xorazm viloyatida yunon-rum kurashi yo'nalishiga 2016 yilda O'zbekiston sport kurashlari associaciyasining viloyat bo'limi ijrochi direktori G'afforbek Farxodovich Otajonov tomonidan asos solingan. Amalga oshirilayotgan ishlar qisqa muddatda o'z samarasini bermay qolmadi. 2018 yili o'tkazilgan mamlakat chempionatida Xorazm viloyati sportchilari Saidbek Saidmurodov (-48kg), Husniddin Olimboev (-57kg) o'z vazn toifalarida mamlakat chempioniga aylanishdi. Akbar Olloyorov (-38kg) esa kumush medalga sazovor bo'ldi.

Malumot uchun, yunon-rum kurashi 1896 yilda Olimpiya o'yinlari dasturiga kiritilgan. 1904 yildan jahon, 1983 yildan buyon esa Osiyo chempionatlari o'tkaziladi.