Xorazmda polvonlar bellashmoqda

Dastlab 2007-2008 yillarda tug'ilgan o'smirlar va qizlar bel olishning chalish yo'nalishida g'oliblik uchun gilamga chiqishdi. 

O'zbekiston sportni rivojlantirish vazirligi hamda O'zbekiston belbog'li, bel olish va uch kurash milliy associaciyasining yillik- taqvim rejasidan o'rin olgan mazkur kubok bahslarida Qoraqalpog'iston  Respublikasi, deyarli barcha viloyatlar va Toshkent shahridan kelgan 500 nafardan ziyod iqtidorli yigit-qizlar g'oliblik uchun o'z imkoniyatlarini sinovdan o'tkazishdi.

Qizg'in va murosasiz kechgan bel olish kurashining chalish yo'nalishida Temurbek Xudoynazarov, Savrina Jo'raqulova, Komila Boltaboeva, Jahongir SHermetovlar o'z vazn toifalarida O'zbekiston kubogi g'olibiga  aylanishdi.

Musobaqaning ikkinchi kuni kattalar bel olish kurashining belbog'li yo'nalishida o'z imkoniyatlarini sinovdan o'tkazishdi. 72 kg vazn toifasida o'tgan kubok bahslarida Sirdaryo viloyati vakili Nodirbek To'laganovga teng keladigan raqib topilmadi. 

78 kg vazn toifasidagi polvonlar kurashida omad namanganlik Umidjon Xolmatovga nasib etdi. 90 kg vaznda Farg'ona viloyati vakili Oybek Karimov sof g'alabaga erishdi.