15 dek 11:56
Yangiliklar

Gandbol

Xorazmlik gandbolchi qizlar O'zbekiston chempioni FOTOGALEREYA

9-14 dekabr kunlari Urganch shahridagi “Yoshlik” sport majmuasida U-17 va undan kichik yoshdagi qizlar o'rtasida gandbol bo'yicha O'zbekiston chempionati bo'lib o'tdi.

O'zbekiston Respublikasi Turizm va sport vazirligining sport va ommaviy jismoniy tarbiya tadbirlarining 2021 yilgi taqvim rejasiga asosan, O'zbekiston gandbol federaciyasi tomonidan tashkil etilgan musobaqada Qoraqalpog'iston Respublikasi, Xorazm, Surxondaryo, Navoiy, Jizzax, Andijon viloyatlari hamda Urganch olimpiya zaxiralari kolleji jamoalari ishtirok etdi.

Musobaqada asosi Urganch tumanidagi 19-son umumtalim maktabining o'quvchilari, xususan, SO'EAIBO'SM tarbiyalanuvchilaridan tashkil topgan Xorazm viloyati jamoasi 2021 yilgi O'zbekiston chempioni nomiga sazovor bo'ldi.

SHohsupaning ikkinchi pog'onasini Andijon viloyati jamoasi egalladi. Surxondaryo va Navoiy viloyatlari jamoalari esa faxrli uchinchi o'rindan joy olishdi.

CHempionatning taqdirlash marosimida qatnashgan Xorazm viloyati Turizm va sport bosh boshqarmasi boshlig'i o'rinbosari Nodira Jumaniyazova g'olib va sovrindor sportchilarni erishgan muvaffaqiyatlari bilan muborakbod etib, kelgusi faoliyatiga omadlar tiladi. O'z navbatida ularga tegishli darajadagi medal, diplom va sovg'alar topshirildi.

Fursatdan foydalanib, mazkur musobaqani yuqori saviyada o'tishiga O'zbekiston “Yoshlik” jismoniy tarbiya va sport jamiyati Xorazm viloyati mintaqaviy bo'limi (rais o'rinbosari S.Dosov) hamda Sport o'yinlari va engil atletikaga ixtisoslashtirilgan bolalar-o'smirlar sport maktabi (direktori J.Abdullaev) munosib ulushini qo'shganligini alohida takidlab o'tish joizdir.