Xorxe Masvidal Oq uydagi katta jangga ishora qildi

U Konor Makgregor bilan ehtimoliy to'qnashuv haqidagi mish-mishlarni rad etmadi, lekin u uchun bunday tadbirda ishtirok etishning o'zi muhimroq ekanligini takidladi.

"Axborotning bir qismi faqat yuqori darajada bor, shuning uchun men ko'p narsa ayta olmayman. Lekin men kattaroq jang uchun mashg'ulot qilyapman. Menda tez orada jang haqida yangilik bo'ladi va bu ishoning, aytishga arzigulik xabar", - deya Masvidalning so'zlarini keltiradi MMA Junkie.

O'zini Donald Trampning sevimli jangchisi deb ataydigan Masvidal taxminan 10 kun ichida Oq uydagi jang bo'yicha tasdiq olishi mumkinligini takidlamoqda. Bu muddat UFC’ning kelasi hafta bo'lib o'tadigan UFC 324 turniridan keyin Oq uy uchun kard tuzishni boshlash rejalari bilan bir vaqtga to'g'ri keladi.

"Oq uy kardida jang qilish sharaf... Men buni albatta amalga oshirishni xohlardim, chunki, bu turnir va yulduzli kard boshqa takrorlanmaydi. Men faqat shu jang uchun qaytaman. Men Oq uyda o'z mahoratini namoyish etayotgan, ikkala tomondan ham muhojir ota-onalardan bo'lgan lotin amerikalikman. Kim bunday qilgan? Hech kim", - deya qo'shimcha qildi Masvidal.