Xushxabar! Tasmuradov va Berdimuradov Olimpiada lizenciyasini qo'lga kiritishdi FOTO

Yilning ushbu nufuzli musobaqasi Tokio-2020 Olimpiadasiga licenziya berishi bilan ahamiyatlidir. Quvonarlisi, hozirgina ikki yunon-rim kurashchimiz Tokio-2020 Olimpiya o'yinlari licenziyasini qo'lga kiritishdi.

-60 kg vazn toifasidagi yurtdoshimiz, Rio-2016 Olimpiadasi bronza medali sovrindori Elmurat Tasmuradov o'tish bahslarida g'alaba qozonib, kechki dasturda bronza medali uchun kurashish imkoniyatiga ega bo'ldi. Tasmuradov avvaliga ekvadorlik Roberto Arroyo, keyin esa moldovalik Viktor CHiobanuni engdi. Bu bilan Elmurat Olimpiada yo'llanmasiga ega chiqdi. Kechki dasturda u bronza medali uchun eronlik Ali Rizo Nejatiga qarshi gilamga chiqadi.

-77 kg vazn toifasida yurtimiz sharafini himoya qilayotgan Jalgasbay Berdimuratov esa ukrainalik Volodimir Yakovlev va litvalik Paulius Galkinasdan ustun kelib, Tokio-2020 licenziyasga ega chiqdi. Jalgasbay kechki dasturda qozog'istonlik Asxat Dilmuhammedovga qarshi gilamga chiqadi.

Suratlar muallifi - Anvar Ilyasov