Yakuniy ATP turniri. Rublyov uchchala uchrashuvda ham yutqazdi

Rossiyalik tennischi guruhning uchchala uchrashuvida ham mag'lubiyat alamini totib ko'rdi. U reytingning ettinchi pog'onasida borayotgan norvegiyalik Kasper Ruudga 4/6, 7/5, 2/6 hisobida imkoniyatni boy berib qo'ydi. 

SHunga qaramay, Rublyov tennischilarning o'zaro uchrashuvlarida oldinda bormoqda - 5:3. Bir soatu 45 daqiqa davom etgan bahsda Rublyov 10, Ruud 15 ta eys zarbasini amalga oshirgan. Andrey Rublyov ATP Finals guruh bosqichida 3 ta mag'lubiyat bilan so'nggi o'rinni egalladi. Ruud esa ikki g'alabasi evaziga 1/2 finalga yo'l oldi.