Yana bir futbolchimiz Top-5 chempionatiga yo'l olishga yaqin turibdi

Gap O'zbekiston milliy terma jamoasiga nomzod, yoshlar terma jamoamizning etakchisi azosi, Osiyo chempioni, jahon chempionati ishtirokchisi, ayni paytda Samarqandning "Dinamo" klubi sharafini himoya qilayotgan Jahongir O'rozov haqida ketmoqda. 

O'rozov Rossiyaning "CHertanova" futbol klubida faoliyatini boshlagan. Keyin "Bunyodkor" klubiga ko'chib o'tgan. SHuhrat Maqsudov bosh murabbiyligidagi "qaldirg'ochlar" safida 2022 yilgi mavsumda "Lokomotiv"ga qarshi safar o'yinida oliy ligada debyut qilgan. 2023 yilning avgustida Turkiya birinchi divizioni vakili "Eyupspor" klubi bilan 5 yillik shartnoma imzolagan. Arda Turan murabbiyligidagi bu turk klubi 2023/2024 mavsum chempioni sifatida Turkiya Superligasiga yo'l oldi, istedodli himoyachimiz esa kichik oltin medallarni qabul qilib oldi. 

O'tgan yilning ikkinchi davrasida Samarqandning "Dinamo" jamoasiga ijara asosida keldi. Bosh murabbiy Vadim Abramov ishonch bildirgan futbolchi ikkinchi davraning to'liq 13 ta o'yinida maydonga tushdi. SHu yil "Dinamo" rahbariyati "Eyupspor" klubidan O'rozovning tranfserini 100 000 dollardan sal ko'proq mablag' evaziga sotib oldi. 

Jahongir O'rozovning agenti SHaxriyor Eshboevning bizga xabar berishicha, ayni paytda Franciya oliy divizionida doimiy tarzda kuchli beshtalikda yuradigan klubi bilan muzokaralar yakuniy bosqichiga kelgan. Transfer 70-80 foizga hal bo'lgan. SHu sababdan ham, Italiyaning "Kremoneze", Belgiyaning "Zyulte Varegem", Bolgariyaning CSKA 1948, Rossiyaning "Krasnodar" va "Sochi" hamda Eron klublaridan bo'lgan takliflarga rad javobi berilgan. Ikki klub o'rtasida kelishuv rasmiy tus olishi bilan bu haqda xabar beramiz.