20 fev 20:45
Yangiliklar
Yana bir o'zbek sportchisiga avtomobil sovg'a qilindi
2019 yil 21-25 avgust kunlari Vengriyaning Ceged shahrida o'tkazilgan suv sportining eshkak eshish turlari bo'yicha jahon chempionatida farg'onalik Azizbek Abdulhabibov faxrli 4-o'rinni egallab, joriy yil Yaponiyaning Tokio shahrida bo'ladigan XVI yozgi Paralimpiya o'yinlariga yo'llanmani qo'lga kiritgan edi.
Bugun Farg'ona viloyati Furqat tumani “Ko'k do'ppi” qishlog'ida tug'ilib o'sgan Azizbek Abdulhabibov Farg'ona viloyati hokimligi tomonidan NEXIA-3 rusumli avtomashina bilan taqdirlandi.
SHu munosabat bilan tashkil etilgan tantanali tadbirda sportchi, uning oila azolari va yaqinlari hamda viloyat sport jamoatchiligi ishtirok etdi. Tadbirda so'zga chiqqan Azizbek Abdulhabibov ko'rsatilayotgan g'amxo'rlik va etibor uchun hukumatimizga minnatdorlik izhor qildi va Paralimpiya o'yinlarining parakanoe yo'nalishida vatanimiz bayrog'ini yuqori ko'tarish uchun astoydil harakat qilishini bildirdi.
Biz ham o'z navbatida Azizbek Abdulhabibov Yaponiyada bo'lib o'tadigan XVI yozgi Paralimpiya o'yinlarida yuqori natijalar ko'rsatishiga ishonch bildiramiz.
Fikrlar
Sportchilarimizga avtomobillar sovgʻa qilinayotgan bir paytda Fan olimpiadalarida munosib qatnashib birinchilikni olib qaytgan yurtdoshlarimizga haliham xoʻja koʻrsin tariqasida faxriy yorliqlar bilan kutib olinishi oddiy holga aylanib qoldi. Ahvol shu tarzda ketadigan boʻlsa kelajak yosh avlod koʻz oʻngida bilimdon yoshlar orzu-umidini sindirib qoʻymasmikinmiz?! Yaqinda ijtimoiy tarmoqlarda bir oʻzbek bolasining Xalqaro Matematika olimpiadasida 1-oʻrinni olgani va unga eng "qadrli"ga aylanib ulgurgan faxriy yorliq topshirildi. BILIMDON YOSHLARIMIZ BUNDANDA KOʻPAYSIN!!!