28 noy 17:52
Yangiliklar

Tadbirlar, Olimpiya o'yinlari, Osiyo o'yinlari

Yangi Olimpiya davriga tayyorgarlik rejalari muhokama markazida

Bugun O'zbekiston Milliy Olimpiya qo'mitasida yangi Olimpiya cikliga munosib tayyorgarlik ko'rish, Qo'mita faoliyatini izchil yo'lga qo'yish masalalariga bag'ishlangan yig'ilish bo'lib o'tdi.

Unda O'zbekiston Respublikasi Prezidenti Administraciyasi departamenti rahbari Odil Abduraxmanov, Osiyo Olimpiya kengashi vice-prezidenti, MOQ raisining birinchi o'rinbosari Otabek Umarov, Qo'mita Bosh kotibi Oybek Kasimov, MOQ raisi o'rinbosari SHerzod Tashmatov, Sport vazirligi va Milliy Olimpiya qo'mitasi masullari ishtirok etishdi.

Uchrashuvda Milliy Olimpiya qo'mitasi faoliyatini tizimli takomillashtirib borish, uning maqsadli va natijaga yo'naltirilgan ish rejasi asosida samarali faoliyat yuritishi belgilab olindi. Buning uchun Qo'mita mutasaddilarining o'z yo'nalishlaridan kelib chiqqan holda qisqa, o'rta va uzoq muddatli ish rejalarini shakllantirish, Sport vazirligi, hududiy hokimliklar, federaciya va associaciyalar bilan hamjihatlikda ish yo'lga qo'yish lozimligi bildirildi.

SHuningdek, O'zbekiston delegaciyasini Milan-Kortina-2026 qishki Olimpiya, Aichi-Nagoya-2026 yozgi Osiyo va Los-Anjeles-2028 yozgi Olimpiya o'yinlariga puxta tayyorlash, buning uchun terma jamoalarimizga barcha sharoitlar yaratish va ularga xorijdan malakali mutaxassislar jalb etish kabi ustuvor mavzular borasida fikr almashildi.