“Yangi O'zbekiston olimpiya cho'qqilari” navbatdagi bosqich musobaqalariga hududlarda yuqori tayyorgarlik ko'rilmoqda

Mazkur musobaqaning engil atletika sport turi bo'yicha mintaqa bosqichlarlarini o'tkazish uchun hudulardagi sport inshootlarining tayyorgarlik holatlari Engil atletika bo'yicha Respublika oliy sport mahorat maktabi direktori Dilshod Avazov tomonidan ko'zdan kechirildi. 

Xususan, Toshkent shahri, Sirdaryo, Jizzax, Samarqand va Surxondaryo viloyatlaridagi mavjud sport maydonlari, engil atletika sport turning dasturlarini kamchiliklarsiz tashkil etish uchun sport jihozlarining mavjudligi va sportchilar uchun zarur shart-sharoitlar o'rganilib, tashkil etilishi zarur bo'lgan ishlar yuzasidan takliflar berildi.

Jumladan, Samarqand viloyatidagi Sportning o'yin turlari va engil atletika bo'yicha ixtisoslashtirilgan sport maktabi, Zomin tumani sport maktabi, Jizzax shahri olimpiya va paralimpiya sport turlariga tayyorlash markazi kabi manzillarda engil atletika dasturlariga kiritilgan yo'nalishlardagi musobaqalarni kamchiliklarsiz o'tkazish zarurligi takidlandi.