27 noy 15:56
Yangiliklar

Boks/MMA

Yangilangan UFC reytingida Petr Yan Umar Nurmagomedovni ortda qoldirdimi?

O'ta engil vazn toifasida sobiq UFC chempioni Petr Yan o'tgan haftaning so'nggi kuni Makaoda jang o'tkazgandi.

Rossiyalik aralash yakkakurash ustasi davogarlar jangida yana bir sobiq tashkilot chempioni braziliyalik Deyveson Figeredoni ochkolar hisobiga ko'ra mag'lubiyatga uchratgandi.

G'alabaga qaramay, Yan yangilangan UFC reytingida vatandoshi Umar Nurmagomedovni ortda qoldira olmadi. U reytingning uchinchi pog'onasida qoldi. Nurmagomedov esa ikkinchi o'rinni egallab turibdi. Reja bo'yicha divizion chempioni Merab Dvalishvili 8 mart kuni Las-Vegasda o'tkaziladigan UFC 313 turnirida kamarini himoya qilishi kerak.