08 apr 12:21
Yangiliklar

Dzyudo

Yarim finalda "o'zbek derbisi": To'raboev - Hurramov

-100 kg vazn toifasidagi bellashuvlarda ishtirok etayotgan ikkinchi dzyudochimiz Muzaffarbek To'raboev ham Osiyo-Okeaniya chempionatining yarim finaliga yo'l oldi.

Istedodli dzyudochimiz avvaliga turkmanistonlik Yashyuzak Ashirovni 27 soniyada mag'lubiyatga uchratgandi. Biroz avval u bir daqiqadan sal ko'proq davom etgan bellashuvda avstraliyalik Kayxan Ozchichek-Takagini ham ippon bahosi bilan taslim etdi.

Etiborga molik jihati shundaki, yarim finalda ikki o'zbekistonlik dzyudochi tatamida o'zaro to'qnash keladi. To'raboev nisbatan tajribaliroq bo'lgan Muhammadkarim Hurramovga qarshi bahs olib boradi. Har qanday holatda ham finalda O'zbekiston vakili bo'ladi.