Yashnoboddagi 1-BO'SMda hakamlar uchun o'quv-seminar tashkil etildi

O'zbekiston Respublikasi Jismoniy tarbiya va sport vazirligi hamda O'zbekiston bel olish va uch kurash associaciyasining yillik taqvim-rejasidagi mazkur chempionat oldidan kecha 22 fevral kuni  rejaga muvofiq, hakamlar uchun associaciya bosh kotibi Nosir Azizov va boshqa tegishli mutaxassislar ishtirokidagi o'quv-amaliy seminar o'tkazildi.

- Mazkur seminarni o'tkazishdan maqsad – bel olish va uch kurash bo'yicha hakamlarning bilim va tajribasini boytib borish, qayta sinovdan o'tkazish, - deydi associaciya bosh kotib Nosir Azizov. - Musobaqalarda ishtirok etish uchun sportchi oylab, yillab tayyorgarlik ko'radi, yaxshi orzu-umidlar bilan, bor mahoratini ishga solib kurash tushadi, shunday paytda hakamlarimizni xato va kamchiliklarga yo'l qo'ymasligi zarur va shart. SHunday ekan halollik bilan, adolat bilan, bilim va tajribaga tayanib hakamlik qilishi uchun har bir musobaqa oldidan va keyin bu kabi seminarlar tashkil etib boramiz. Bundan tashkari shu yil may oyida Farg'onada o'tishi rejalashtirilayotgan o'smirlar o'rtasidagi jahon chempionatida ham hakamlarimizni ishtirok etishlari uchun bosqichma-bosqich tayyorlab borish va xalqaro darajadagi hakamlik sertifikatlariga ega bo'lishini taminlashdan iborat bo'ladi.