“YILNING ENG FAOL SPORT JURNALISTI” respublika ijodiy tanloviga marhamat!

O'zbekiston Respublikasi Jismoniy tarbiya va sport vazirligi mamlakatimizda jismoniy tarbiya va sport sohasida amalga oshirilayotgan islohotlar, sport tadbirlari va musobaqalari, xalqaro arenalarda O'zbekiston bayrog'ini baland ko'tarayotgan vatandoshlarimiz va ularning ustozlari, sport o'quv muassasalari va inshootlari faoliyatini yoritishda faollik ko'rsatayotgan ijodkorlarni ushbu tanlovda faol ishtirok etishga chorlaydi!

Tanlov O'zbekiston Respublikasi Vazirlar Mahkamasining 2003 yil 4 noyabrdagi “Ommaviy sport targ'ibotini yanada kuchaytirish chora-tadbirlari to'g'risida”gi 484-sonli qaroriga muvofiq o'tkaziladi.

Tanlovga ommaviy axborot vositalarida 2017 yil 1 iyundan 2018 yil 1 iyunga qadar elon qilingan ijodiy asarlar qabul qilinadi.
1, 2, 3-o'rinni egallagan g'olib va sovrindorlar aniqlanadi hamda ularga diplom va quyidagi miqdorda pul mukofotlari topshiriladi.

1-o'rin sohibiga eng kam oylik ish haqining 20 baravari miqdorida.

2-o'rin sohibiga eng kam oylik ish haqining 15 baravari miqdorida.

3-o'rin sohibiga eng kam oylik ish haqining 10 baravari miqdorida.

SHuningdek, “Ommaviy sport targ'iboti bo'yicha alohida faollik ko'rsatgani uchun” uchta rag'batlantiruvchi mukofot tasis etilgan. Hamkorlarimiz – O'zbekiston matbuot va axborot agentligi, O'zbekiston Milliy teleradiokompaniyasi, O'zbekiston Bolalar sportini rivojlantirish jamg'armasi.

Tanlovga taqdim etilgan ijodiy materiallar 2018 yilning 11 yuniga qadar quyidagi manzilga yuborilishi lozim:
Toshkent shahri, Abdulla Qodiri ko'chasi, 2-uy, 12-qavat. O'zbekiston Respublikasi Jismoniy tarbiya va sport vazirligi matbuot xizmati.

Murojaat uchun telefon: (0371) 2346256
Elektron pochta: [email protected]

Tanlov g'olib va sovrindorlari 2018 yil 27 iyun kuni O'zbekiston Matbuot va  ommaviy axborot xodimlari kuni munosabati bilan Toshkent shahrida uyushtiriladigan katta bayram tadbirida taqdirlanadi.