Yosh og'ir atletikachilarimiz qita chempionatiga jo'nab ketishdi

Mazkur nufuzli musobaqada qitaning 30 ta davlatidan 300 nafar atrofidagi sportchilar ishtirok etish uchun shu kunlarda Hindistonga etib borishdi.

Bugun, 26 iyul kuni erta tongda qita chempionatining ilk davra bahslarida vatanimiz sharafini himoya qiladigan og'ir atletika bo'yicha O'zbekiston yoshlar va o'smirlar terma jamoasining 20 nafar sportchisi, 3 nafar murabbiysi Hindistonga jo'nab ketdi.

Ikkinchi tarkib - 16 nafar sportchi va 1 nafardan iborat terma jamoamiz azolari 1 avgust kuni chempionatda qatnashish uchun Hindistonga yo'l oladi.

Dehli musobaqalarida supachaga ko'tariladigan og'ir atletikachilarimizdan Diyorbek Ermatov, Qurbonmurod Nomozov, Nigora Suvonova o'smirlar o'rtasida o'tgan yili o'tkazilgan jahon chempionatidagi ko'rsatkichlarini yaxshilash uchun harakat qilsa, Xojiakbar Olimov va Xusinboy Matrasulov yoshlar o'rtasidagi avvalgi dunyo birinchiligida erishgan natijalarini mustahkamlash uchun kurash olib borishadi.

O'zbekiston og'ir atletika federaciyasi Matbuot xizmati