Yosh sportchilarga 1 milliard so'mga yaqin sport anjomlari ajratildi

Respublika jismoniy tarbiya va sportni rivojlantirish jamg'armasi tomonidan ushbu yo'nalishda bir qator loyihalar amalga oshirilmoqda. Jumladan, chekka hududlarda, asosan qishloq joylarda qurilib ertamiz egalari ixtiyoriga topshirilayotgan sport inshootlari, ularda yaratilayotgan qulay sharoitlar tufayli sportchi yoshlar soni tobora oshib bormoqda.

Bu boradagi ijobiy ishlarni Toshkent viloyatida ham kuzatish mumkin. Birgina joriy yilning yanvar oyida Jismoniy tarbiya va sportni rivojlantirish jamg'armasining viloyat bo'limi tomonidan Bolalar va o'smirlar sport maktablariga 50 turdagi sport jihozlari tarqatildi.

- SHunisi etiborliki, Jismoniy tarbiya va sportni rivojlantirish jamg'armasi tomonidan uzoq hududlarda joylashgan Bolalar va o'smirlar sport maktablarining tarbiyalanuvchilari uchun sport jihozlari, jumladan tatamilar, futbol, basketbol, voleybol koptoklari, shuningdek badiiy gimnastikachi qizlar va bokschi yoshlarga 1 milliard so'mga yaqin sport buyumlari etkazib berildi, - deydi biz bilan suhbatda Toshkent viloyat jismoniy tarbiya va sport boshqarmasi boshlig'i Doniyor Risqiboev.

SHuni takidlash kerak, tarqatilayotgan sport anjomlarining deyarli barchasi mahalliy korxonalar tomonidan ishlab chiqarilgan.