10 may 08:52
Yangiliklar

Gandbol

Yoshlarimiz “Trophy” kubogining Osiyo bosqichiga yo'l olishdi

Mo'g'iliston poytaxti Ulan-Bator shahrida gandbol bo'yicha o'smir va yosh qizlar o'rtasida “Trophy” musobaqasining Markaziy Osiyo bosqichi davom etmoqda.

Barcha o'yinlarda g'alaba qozonib kelayotgan O'zbekiston va Turkmaniston U-19 jamoalari o'zaro to'qnash kelishdi. Mazkur bellashuv yurtdoshlarimizning 43:20 hisobidagi g'alabasi bilan yakunlandi. Bu bilan gandbolchilarimiz musobaqaning Osiyo mintaqasi bosqichiga yo'l olishdi.

Eslatib o'tamiz, bir kun avval o'smirlarimiz ham muddatidan avval guruh g'olibligini qo'lga kiritib, “Trophy” kubogining Osiyo bosqichiga yo'l olishgan edi. Bugun ular musobaqadagi so'nggi uchrashuvni qirg'izistonlik tengqurlariga qarshi o'tkazishadi.