Yunon-rim kurashchilarimiz Olimpiadaga qanday tayyorlanishmoqda?

Bundan avvalgi yig'in Toshkentda, “Dinamo” sport majmuasida o'tkazilgan edi. Komil Fatkulin boshchiligidagi murabbiylar shtabi asosiy etiborni aynan Angrendagi yig'inga qaratishni maqsad qilgan. Boisi, Olimpiada dasturidan o'rin olgan yunon-rum kurashi musobaqalari boshlanishiga roppa-rosa bir oy vaqt qoldi.

Etiborga molik jihati shundaki, terma jamoa sportchilari mashg'ulotlardan tashqari psixologik test ham topshirishdi. Bu esa Rio Olimpiadasiga boradigan kurashchilarimizning musobaqaga professional yondashuv bilan, har tomonlama jiddiy tayyorgarlik ko'rayotganining isbotidir. Angrendagi yig'inda Olimpiadaga yo'l oluvchi to'rt nafar yunon-rum kurashchimizga terma jamoaning ikkinchi raqamli sportchilari sparing bahslarida yordam berishadi. Mashg'ulotlarning katta qismi ham aynan sparing bahslariga ajratiladi. Taqqoslaydigan bo'lsak, 2012 yili Londonda bo'lib o'tgan Olimpiadada 2 nafar yunon-rum kurashchimiz ishtirok etgan edi.

Eslatib o'tamiz, Riodagi Olimpiadada O'zbekiston sharafini Elmurat Tasmuradov, Mo'min Abdullaev, Dilshod Turdiev va Bekzod Abdurahmonov kabi kurashchilarimiz himoya qiladilar.